پسپۆڕێک: دەشێت رەبۆ گەشەی منداڵ کەمبکاتەوە و هۆکار بێت بۆ باڵاکورتی

 

د. پشدەر عەبدوڵڵا، پسپۆڕی نەخۆشییەکانی منداڵان دەڵێت: رەبۆ نەخۆشییەکی درێژخایەنی سییەکانە، دەبێتەهۆی هەوکردن و تەسکبوونەوەی بۆرییەکانی هەوا، نەخۆشییەکە باوترین نەخۆشیی درێژخایەنە لە منداڵاندا.

 

 

1- کۆکە بەتایبەت لە شەوان و بەیانیاندا

2- خیزەی سینگ

3- هەناسەتووندی

4- سینگەتەنگی

5- کۆکە و خیزەی بەردەوام لەدوای پەتای وەرزی

6- کۆکە و خیزەی سینگ لەدوای وەرزش و جووڵە

7- کۆکە لە دوای پێکەنین و گریان

8- کۆکە لە دوای خۆڵبارین و دووکەڵی جگەرە و بۆنی قوڕس

9- کەمبوونەوەی جووڵە و زیادبوونی تەمبەڵیی منداڵان

10- تێکچوونی خەوی منداڵ

 

 

- کۆکە و خیزەی سینگ

- هەناسەبڕکێ

- بەناڕەحەت هەناسەدان

- بەناڕەحەت شیری بۆ ئەخورێت

- بێتاقەت و ناڕەحەتبوون

 

بەتایبەت ئەگەر منداڵەکە لە خێزانەکەیاندا رەبۆ یان کێشەی هەستیاریی لووت و پێست یان هەستیاریی بە خواردنیان هەبێت یان بە ناکامی لەدایکبووبێت یان جگەرە لە ماڵەوە بکێشرێت یان لەسەرەتای تەمەنیدا تووشی هەوکردنی ڤایرۆسی تووندی سییەکان بووبێت.

 

 

1- لەوانەیە تووشی نەوبەی زۆر تووندی رەبۆی بکات کە ژیانی بخاتە مەترسییەوە و پێویستی بە چارەسەری زۆر و قوڕس ئەبێت لە نەخۆشخانە.

 

2- هەناسەدانی زۆر تووند دەبێت کە کاریگەریی زۆر لەسەر خەو، تەرکیز، خوێندن و فێربوون دەبێت و زۆربەی کاتەکانی رۆژانەی بێهێز و تووڕە دەبێت.

 

3- وردە وردە گۆڕانکاری هەمیشەی لە سییەکانی دروست دەبێت کە دواتر ئەستەمە بە ئاسانی وەڵامی چارەسەر بداتەوە.

 

4- کاریگەریی زۆری لەسەر گەشە دەبێت و دەبێتەهۆی باڵاکورتی و دواکەوتنی باڵغبوون.

 

5-  دەبێتەهۆی نەچوون بۆ خوێندنگە و کەمبوونەوەی چالاکیی رۆژانەی و ئاستی فێربوونی زۆر دادەبەزێت.

 

6- دەبێتەهۆی دروستبوونی گوشارێکی زۆری دەروونی و هەست بەکەمی کردن لەبەرامبەر منداڵە هاوڕێکانی.