هەڵەیەک روویدا! دووبارە هەوڵبدە
رووداو - تەندروستی
پسپۆڕێکی پزیشکیی خێزانی لە ئەمریکا دەڵێت: زۆرخۆری لەم ماوانەدا زیاددەکات کە زۆرجار لێکەوتەی درێژخایەن و مەترسیدار دروستدەکەن، لەبارەی پەتاکانیشەوە گوتی، نەچوونە شوێنی قەرەباڵخ و دەستشووشتنی بەردەوام رێگەی سەرەکین بۆ پێشگیرییان.
د. ماتیو فارێڵ، پسپۆڕی پزیشکیی خێزانی لە سەنتەری پزیشکیی واکسنەر لە ئەمریکا رایدەگەیێنێت، لە کاتی پشووەکاندا گرنگە کە خشتەی خەو تێکنەچێت، چونکە گۆڕانکاریی فیسیۆلۆژی و دەروونی لە جەستەدا روودەدەن، پێشنیازدەکات بەیانیان زوو لەخەو هەستیت بۆ ئەوەی شەوان زوو بخەویت.
بەشێکی قسەکانی تایبەتە بە شێدارهێشتنەوەی جەستە ئەویش بە ئاوخواردنەوەی پێویست و دوورکەوتنەوە لە خواردنەوە وزەبەخش و کحولییەکان.
لەگەڵیشیدا گوتی، ''هاووڵاتییان لە وەرزش و چالاکیی جەستەیی دوورنەکەونەوە، چونکە هەمیشە جەستەیان بە رێکی دەمێنێتەوە و رەنگە قەرەبووی لێکەوتەکانی خووە هەڵەکانیان بکاتەوە''.
د. ماتیو دەڵێت: ''ڤاکسینەکانی دژ بە پەتاکان وەربگیرێن بەتایبەت لەلایەن گرووپە مەترسیدارەکانەوە کە پەتاکان بە تووندی دەگرن وەکو 'خانمانی دووگیان، منداڵی خوار 5 ساڵان، بەساڵاچووان، تووشبووانی شێرپەنجە و ئەوانەشی کە گورچیلەیان بۆ چاندراوە''.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ