زانکۆی پزیشکیی باشوور لە چین: زۆر بەکارهێنانی موبایل ئەگەری تووشبوون بە نەخۆشییەکانی دڵ زیاددەکات

 

توێژینەوەکە ئاماژە بەوەدەکات، خراپی کاتی خەوتن و ناڕەحەتی دەروونی پەیوەست بە بەکارهێنانی مۆبایل هۆکاری زیادبوونی ئەگەری تووشبوون بەم نەخۆشییانەن، هەروەها مەترسیی تووشبوون بەم نەخۆشییانە زیاتردەبێت لە کەسانی جگەرەکێش و تووشبووانی نەخۆشیی شەکرە.

 

زیلیانگ یێ، سەرپەرشتیاری توێژینەوەکە دەڵێت، ''بەرکەوتنی درێژخایەن بە تیشکی RF-EMF کە لە مۆبایلەکانەوە دەردەچێت، دەشێت ببێتە هۆی درووستبوونی هەوکردن و زیادبوونی قەڵەقی''.

 

بەگوێرەی توێژینەوەکە، دەبێت بەکارهێنانی ئامێرە ئەلکترۆنییەکان سنووردار بکرێت و لانیکەم کاژێرێک پێش خەوتن موبایل و ئامێرە زیرەکەکان دووربخرێنەوە و دابخرێن.