هەڵەیەک روویدا! دووبارە هەوڵبدە
رووداو - تەندروستی
توێژینەوەیەکی هاوبەشی نێوان پسپۆڕانی رووسیا و ئەمریکا دەریدەخات، خەمباری ئەگەری تووشبوون بە شەکرەی جۆری دوو زیاددەکات.
توێژینەوەکە بە سەرپەرشتیی د. ئەنچی پارانۆڤا، پسپۆڕی رووسیی زانکۆی جۆرج ماسۆن بە هاوبەشی لەگەڵ پسپۆڕانی ئەمریکی کرا و ئەوانەی کە بۆماوەییانە خەمۆکیان لەگەڵدا بووە و ئەوانەشی کە رۆژانە خەمبارن ئەگەری تووشبوونیان بە بەشەکرە و پێش شەکرە 48٪ زۆرە.
هەستیاری عەلی، چارەسەرکاری دەروونی بە رووداوی گوتووە کە ئەمانە نیشانەکانی خەمۆکین؛
1- هەستکردن بە بێبەهایی و نائومێدیی بەردەوام.
2- لەدەستدانی حەز، ئارەزوو و خولیا بۆ هەموو جۆرە چالاکییەک.
3- گۆڕانکاری لە شێوازی خەوتن و خواردنی کەسەکە، واتە پرۆگرامی خەوی تێکدەچێت و گۆڕانکاری بەسەر خواردنیدا دێت، تەنانەت هەندێكجار کێشی زیاد و کەمدەکات.
4- بیرکردنەوە لە خۆکوشتن.
5- کێشەی سەرنجدان و بڕیاردانی بۆ دروستدەبێت.
هەروەها ئەو چارەسەرکارە ئاماژە بەم جیاوازییانەی خوارەوە دەکات لەنێوان خەمباری و خەمۆکی؛
1- خەمباری هۆکارێکی دیاریکراوی هەیە، بەڵام خەمۆکی دەکرێت بێ هۆکار کەسێک تووشی ببێت.
2- خەمباری کاتییە و چەند رۆژ یان چەند هەفتەیەک دەخایەنێت، بەڵام خەمۆکی مانگێک یان ساڵانێک بەردەوام دەبێت.
3- خەمباری کەمتر کاریگەریی لەسەر ژیانی رۆژانە هەیە، بەڵام خەمۆکی زۆربەی لایەنەکانی ژیان پەکدەخات.
4- چارەسەر بۆ خەمباری پێویستی بە پشتگیریی کۆمەڵایەتی و کات هەیە، بەڵام بۆ خەمۆکی پێویستی بە چارەسەری پزیشکی، دەرمان و رێنوێنیی دەروونی هەیە.
5- لە خەمباریدا کەسەکە هێشتا دەتوانێت چێژ لە ژیان وەربگرێت، بەڵام لە خەمۆکیدا کەسەکە چێژ لە هیچ شتێک وەرناگرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ