هەڵەیەک روویدا! دووبارە هەوڵبدە
رووداو - تەندروستی
پسپۆڕێکی نەخۆشییەکانی منداڵان ئاشکرای دەکات، زۆرینەی هۆکارەکانی خۆتەڕکردنی منداڵ لەکاتی خەودا بۆماوەییە.
د. ئەمینە تەها، پسپۆڕی نەخۆشییەکانی منداڵان دەڵێت: منداڵان دوای تەمەنی دوو بۆ دوو ساڵ و نیو لە رۆژدا ووشکن، تاوەکو تەمەنی پێنج ساڵ زۆر ئاساییە ئەگەر شەوانە خۆی تەڕبکات.
هاوکات دەشڵێت: پاش تەمەنی پێنج ساڵ ئەگەر زیاتر لە سێ مانگ خۆی تەڕبکات حاڵەتێکی ئاسایی نییە و پێویستە هۆکاری دیاری بکرێت و چارەسەربکرێت.
بە گوتەی ئەو پسپۆڕە، ئەو دۆخە لە کوڕاندا زیاترە، زۆرینەیان بۆ ماوەیین، بەڵام دەکرێت ئەم هۆکارانەش هەبن و پزیشکی پسپۆڕ ببیندرێت؛
- ھەوکردنی میزڵدان
- قەبزبوونی بەردەوام
- ناڕێکیی خەو
- دڵەڕاوکێ و کێشەی دەروونی
- بچووکیی قەبارەی میزڵدان
د. ئەمینە تەها گوتی، ''لە دۆخی ئاوا پێویستە بە ھێمنی لەگەڵ منداڵەکە قسەبکرێت و نابێت سەرزەنشتی بکرێت، چونکە زۆربەی منداڵ ناڕەحەتە بە دۆخەکە و پێویستە بۆی روون بکرێتەوە، تاوەکو حاڵەتەکە کۆنتڕۆل بکرێت و خراپتر نەبێت''.
لەکۆتاییدا دەڵێت، دوو بۆ سێ کاژێر پێش خەو شلەمەنی کەم بە منداڵەکە بدرێت و پێش خەو و ناوەندی خەو میزڵدانی بەتاڵ بکرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ