رووداو - تەندروستی
پسپۆڕێکی نەخۆشییەکانی پێست و جوانکاری رایدەگەیێنێت، باشترە جلوبەرگی سەیران داپۆشراو بێت، چونکە پێست پارێزراوتر دەبێت.
د. سایە سامی، پسپۆڕی نەخۆشییەکانی پێست و جوانکاری دەڵێت: مەرج نییە هەموو کاتێک خۆدانەبەرهەتاو بەسوود بێت، 10 خولەک خۆدانە بەر خۆر لە بەیانیاندا بەسە بۆ دەستکەوتنی ڤیتامین D.
بەگوتەی د. سایە سامی، دژەخۆر لە دەست، روخسار و قاچیش بدرێت، بۆ ئەوەی پێست پارێزراو بێت لە تیشکی زیانبەخشی خۆر، چونکە زۆربەرکەوتن بە خۆر دەشێت شێرپەنجەی پێست دروستبکات.
ئەوەش باسدەکات کە جلوبەرگی کوردی باشترین جلوبەرگە بۆ سەیران، چونکە فراوانە و ئەگەری تووشبوون بە هەوکردنیش کەمدەکاتەوە، ''لەبەر ئەوەی جلوبەرگی تەسک ئەگەری هەوکردن و ئارەقکردنەوە زیاددەکات''.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ