هەڵەیەک روویدا! دووبارە هەوڵبدە
نێو سەنتەری چارەسەری سرووشتیی نەخۆشخانەی هیوا. وێنە: رووداو
رووداو - تەندروستی
ئەم ساڵ نزیکەی پێنج هەزار تووشبووی شێرپەنجە لە سەنتەرەکە راهێنانیان پێکراوە و تووشبوویەکی شێرپەنجەش دەڵێت، بەهۆی راهێنانەکانەوە دۆخی تەندروستیی باشترە.
سەنتەری راهێنانەوەی سرووشتیی نەخۆشخانەی هیوایە، سەتان تووشبووی شێرپەنجە یان چاکبووەوە لەم سەنتەرە راهێنان دەکەن.
پرشنگ محەممەد، یەکێکە لەوانەی پێشتر بەهۆی شێرپەنجەکەیەوە بێهێزبوو و توانای رۆشتنی باش نەبوو، بەڵام دوای راهێنانەکانی لەم سەنتەرە ئێستا بێ کێشەیە.
پرشنگ محەممەد، تووشبووی شێرپەنجە دەڵێت: ماسوولکەکانی قاچەکانم زۆر لاوازبوون، بەڵام بەهۆی وەرزشەکانەوە ماسوولکەکانم زۆر بەهێزبوون.
جوان نەجمەدین پاش راهێنانەکان شەکرە و پەستانی خوێنی رێکبووەتەوە و بەئیرادەوە لە راهێنان بەردەوامە.
جوان نەجمەدین، تووشبووی شێرپەنجە گوتی، کە هاتمە ئەم هۆڵە لە رووی دەروونییەوە رووخابووم، بەڵام ئێستا زۆر باشم و پەستانی خوێن و چەورییەکانی خوێنم کۆنتڕۆڵبوون.
بەپێی ئامارەکانی نەخۆشخانەکە، لەمساڵدا سەنتەرەکە راهێنانی بە نزیکەی پێنج هەزار چارەسەربوو و تووشبووی شێرپەنجە کردووە، جگە لە راهێنانی نێو سەنتەرەکە، کارمەندەکان سەردانی نێو نەخۆشخانەکەش دەکەن بۆ راهێنانکردن بەو کەسانەی ناتوانن بچنە سەنتەرەکە.
مونیرە مەحموود، راهێنەری وەرزشی لە نەخۆشخانەی هیوا دەڵێت: ''ئەم نەخۆشانە زۆر سوودیان لە وەرزشەکان بینیوە، بەتایبەت ئەوانەی کە توانای جەستەییان لاوازبووە، نەخۆش هەبووە کە بەدەست هێناومانەتە ژوورەوە، بەڵام کە بەردەوام بووە، ئێستا خۆی شت هەڵدەگرێت و دەتوانێت بە باشی رابکات.''
سەنتەرەکە بێ بەرامبەر خزمەتگوزارییەکانی پێشکێشدەکات و رۆژانەش لەکاتی راهێناندا بەشداربووەکان چاودێریی تەندروستیی دەکرێن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ