خانمێکی 105 ساڵانی بەریتانی نهێنییەکانی تەمەندرێژیی ئاشکرادەکات

 

دەیزی تایلەر لە ساڵی 1919 لە رۆژهەڵاتی لەندەن لەدایکبووە، سێ منداڵی هەیە و خاوەنی 10 نەوە و 25 نەوەزایە، لە 1981 هاوژینەکەی کۆچی دوایی کردووە.

 

ئەو دەڵێت: ''ئامۆژگاریی خێزانەکەم دەکەم وەرزش بکەن و هەمیشە بە چالاکی بمێننەوە''، دەشڵێت: ''زۆر حەزدەکەم قسە لەگەڵ خەڵک بکەم و چێژ لە یۆگا وەردەگرم''، تەنانەت باسی ئەوەش دەکات کە بەیانیان راهێنان دەکات و حەزی لە دانیشتن نییە.

 

یەکێکی دیکە لە نهێنییەکانی ئاشکرادەکات بەوەی کە هەمیشە رێزی لە شتە بچووکەکانی ژیانی گرتووە و چێژی لێوەرگرتوون، تەنانەت بایەخی بە پاراستنی دەرووندروستیش داوە.

 

ئێستا ئەو خانمە لە خانەی بەساڵاچووان دەژی و لەڕووی کۆمەڵایەتییەوە لەگەڵ هاوتەمەنەکانی خۆیدا ئاسوودەیە، مانگی رابردوو پێی نایە 105ـەمین ساڵییەوە.