هەڵەیەک روویدا! دووبارە هەوڵبدە
رووداو - تەندروستی
دەیزی تایلەر، خانمێکی 105 ساڵانی بەریتانی چەند نهێنییەکی تەمەندرێژییەکەی ئاشکرادەکات؛ وەرزش و یۆگا دوو خولیای سەرەکیی ئەو خانمەن.
دەیزی تایلەر لە ساڵی 1919 لە رۆژهەڵاتی لەندەن لەدایکبووە، سێ منداڵی هەیە و خاوەنی 10 نەوە و 25 نەوەزایە، لە 1981 هاوژینەکەی کۆچی دوایی کردووە.
ئەو دەڵێت: ''ئامۆژگاریی خێزانەکەم دەکەم وەرزش بکەن و هەمیشە بە چالاکی بمێننەوە''، دەشڵێت: ''زۆر حەزدەکەم قسە لەگەڵ خەڵک بکەم و چێژ لە یۆگا وەردەگرم''، تەنانەت باسی ئەوەش دەکات کە بەیانیان راهێنان دەکات و حەزی لە دانیشتن نییە.
یەکێکی دیکە لە نهێنییەکانی ئاشکرادەکات بەوەی کە هەمیشە رێزی لە شتە بچووکەکانی ژیانی گرتووە و چێژی لێوەرگرتوون، تەنانەت بایەخی بە پاراستنی دەرووندروستیش داوە.
ئێستا ئەو خانمە لە خانەی بەساڵاچووان دەژی و لەڕووی کۆمەڵایەتییەوە لەگەڵ هاوتەمەنەکانی خۆیدا ئاسوودەیە، مانگی رابردوو پێی نایە 105ـەمین ساڵییەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ