هەڵەیەک روویدا! دووبارە هەوڵبدە
خانمێک بەتانییەکی ئەستووری داوە بەخۆیدا. وێنە: The Brown Medicine center
رووداو - تەندروستی
بەرە بەرە کەشوهەوا سارد دەبێت و ئامرازەکانی خۆگەرمکردنەوە زیاتر بەکاردێن، توێژەرانی زانکۆی کۆلێژی لەندەن دەڵێن، بەتانی چەند ئەستوور بێت باشترە، هۆکارەکەشی رووندەکەنەوە.
د. نیل والیا، پسپۆڕی خەو لە زانکۆی کۆلێژی لەندەن دەڵێت: ''بیرۆکەکە ئەوەیە کە ئەوە وەکو هەستی باوەشپێداکردن وایە، بە جەستە دەڵێت ئۆکسیتۆسین دەربدە کە مادەیەکی کیمیایی دژە دڵەڕاوکێیە، ئەمەش دەردانی هۆرمۆنەکانی پاراسیمپاسیتیک کە هی ئارامی و لەسەرخۆیین زیاددەکات''.
بە گوتەی ئەو پسپۆڕە، بەتانیی ئەستوور دەتوانێت گوشار بخاتە سەر جەستە بۆ ئەوەی هەم پشوو وەربگرێت و هەمیش خەو باش بێت.
د. نیل والیا گوتی، ''ئەوە چارەسەری ئەو کێشەیە دەکات کە ناتوانیت بخەویت یاخود لەخەودا دەمێنیتەوە، زۆرجار نەخۆشەکان دەڵێن، ماندووبووم ئەوەندەی لە جێگەدا پاڵکەوم و بیر لە رۆژەکە بکەمەوە، بەمەش هۆرمۆنە سیمپەساوییەکانی گوشار بەرزدەبنەوە''
تەنانەت گوتیشی، ''بەتانیی ئەستوور پەستان دەخاتە سەر جەستەت و قورساییەکە دابەشدەبێت، ئەمەش یارمەتیدەردەبێت لە دەردانی هۆرمۆنەکانی ئارامی و جەستە دڵنیادەبێتەوە کە لە ژینگەیەکی ئارام و هێمندایە''.
کۆمەڵەی خەو لە ئەمریکا پێشنیازدەکات، بەتانییەک هەڵژێردرێت کە 10٪ـی کێشی جەستە قورس بێت، واتە کەسێک 70 کیلۆگرام بێت، باشترە بەتانییەکی 7 کیلۆگرامی هەڵبژێرێت.
بێگومان ئەمەش بۆ منداڵی ساوا پێشنیازناکرێت، چونکە ئەگەری خنکان و هەناسەتەنگییان زیاددەکات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ