هەڵەیەک روویدا! دووبارە هەوڵبدە
نەخۆشخانە تازەکەی فریاکەوتن لە قەزای بەردەڕەش. وێنە: رووداو
رووداو - تەندروستی
بۆ یەکەمجار نەخۆشخانەیەکی فریاکەوتن لە قەزای بەردەڕەش کرایەوە و بەرپرسی راگەیاندنی قەزاکە دەڵێت: ''40 کارمەندی پسپۆڕیی جیاواز بۆ نەخۆشخانەکە دابینکراون''.
ئەمڕۆ سێشەممە 8ـی تشرینی یەکەمی 2024 نەشوان بەرزنجی، بەرپرسی راگەیاندنی تەندروستیی بەردەڕەش بە رووداوی گوت، نەخۆشخانەکە کارمەند و پێداویستیی گونجاوی بۆ دابینکراوە و هەر لەمڕۆوە دەستدەکرێت بە بینینی نەخۆش.
نەشوان بەرزنجی دەڵێت: ''ئەم نەخۆشخانەیە یەکێک بوو لە داواکارییە لەپێشینەکانمان و توانرا ملیارێک و 600 ملیۆن دیناری بۆ دابینبکرێت''.
لە بەشێکی قسەکانیدا ئەوەشی ئاشکراکرد، کارگەی دابینکردنی ئۆکسجنیش کراوەتەوە.
لە کۆتایی قسەکانیدا ئەوەش باسدەکات، ئەو نەخۆشخانەیە تەنیا بۆ حاڵەتە فریاگوزاری و بەپەلەکانە و وەکو ناوەندێکی فریاکەوتن کاردەکات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ