رووداو - تەندروستی
توێژینەوەیەکی زانکۆی باشووری فلۆریدا لە ئەمریکا دەریدەخات، میوزیک یارمەتیدەرە لە باشتربوونی باری دەروونی و تەندروستیی مێشکی ئەوانەی چارەسەری کیمیایی وەردەگرن.
لەم توێژینەوەیەدا میوزیک پێشکەش بە تووشبووانی شێرپەنجە کراوە کە چارەسەری کیمیایییان بۆ دەکرێت و دەرکەوتووە، میوزیک کارکردنی مێشک باشتر دەکات و یارمەتی بەرزکردنەوەی هەستکردن بە توانای زاڵبوون بەسەر شێرپەنجە دەدات.
د. مێلیسا مالۆری، سەرپەرشتیاری توێژینەوەکە دەڵێت، ''وەرگرتنی چارەسەری شێرپەنجە کاریگەرییەکی بەرچاوی دەبێت لەسەر دەرووندروستی و تەندروستیی گشتیی نەخۆش، دەبێت ژینگەی دەوروبەر کەشێکی یارمەتیدەربێت تاوەکو تێپەڕاندنی شێرپەنجە ئاسانتربێت''.
بە گوێرەی توێژینەوەکە، دیارترین جۆری میوزیک کە زۆرترین کاریگەریی ئەرێنی لەسەر تووشبووانی شێرپەنجە هەبێت پیانۆیە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ