رووداو - تەندروستی
توێژینەوەیەکی پەیمانگەی ناوەندی توێژینەوە لە ژاپۆن دەریدەخات، چاوی سەوزی ماچا ئەگەر بە هەمان شێوەی قاوە لە بەیانیان بخورێتەوە، چالاکی رۆژانە زیاددەکات و لە شەودا خەو باشتر دەکات.
توێژینەوەکە ئاماژە بەوەدەکات، ئەم چایە مادەی دژە ئۆکسانی تێدایە کە دەتوانێت سوودی تەندروستی ببەخشێت و پێشگیری لە چەندین نەخۆشی بکات، هەروەها دەوڵەمەندە بە ڤیتامین C، ڤیتامین E، مەگنیسیۆم و پۆتاسیۆم.
د. شان لیو، سەرپەرشتیاری توێژینەوەکە دەڵێت، ''چای ماچا رەنگە تووشبوون بە لەبیرچوونەوە کەمبکاتەوە بە پاراستنی مێشک لە تووشبوون بە هەوکردن و هاندانی پەیوەندییە دەمارییە نوێیەکان''.
بەگوێرەی توێژینەوەکە، چای ماچا جیا لە ڤیتامین و کانزاکان ئەم دوو مادەیەشی تێدایە 'تیانین کە ترشێکی ئەمینییە یارمەتی ئارامکردنەوەی دەروون دەدات، کاتێچین هەوکردن لە جەستەدا کەمدەکاتەوە و پێشگیری لە تێکچوونی خانەکان دەکات'.
بەپێی پەیمانگەی ناوەندی توێژینەوە لە ژاپۆن کەپسولێکی ماچا پێکدێت لە؛
170.8 میلیگرام کاتێچین
48.1 میلیگرام تیانین
66.2 میلیگرام کافاین
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ