کاتی چاوپێکەوتن لەنێوان د. تاڤان و دکتۆر لونا.
رووداو - تەندروستی
پسپۆڕێکی نەخۆشییەکانی خانمان و منداڵبوون رایدەگەیێنێت، سۆشیاڵ میدیاکان و کەمیی هۆشیاریی تەندروستی هۆکاری سەرەکین بۆ پەنابردنە بەر نەشتەرگەریی منداڵبوون.
د. تاڤان فاتیح، پسپۆڕی نەخۆشییەکانی خانمان و منداڵبوون لە بووڵتەنی تەندروستی رایگەیاند، هەڵەتێگەیشتن لە منداڵبوونی سرووشتی وادەکات خانمان زیاتر پەنا ببەنە بەر نەشتەرگەریی منداڵبوون، لەم حاڵەتانەی خوارەوەش، بە راوێژی پزیشکی نەشتەرگەریی منداڵبوون دەکرێت؛
- ئەگەر کۆرپەلەکە سەربەرەوخوار هاتبێتە خوارەوە.
- ئەوانەی بۆ منداڵبوونی سرووشتی هاتوون و دایکەکە یاخود منداڵەکەی دۆخیان خراپ دەبێت.
- کاتێک خانمە دووگیانەکە تووشی نەخۆشییەکانی وەکو 'بەرزەپەستانی خوێن، ئاوسان، زەردوویی و کەمبوونەوەی خوێن' دەبێت.
د. تاڤان فاتیح روونی دەکاتەوە، بەشێک لە سۆشیاڵ میدیاکان هانی خانمان دەدەن کە بە نەشتەرگەری منداڵیان ببێت، ئەویش بە رێکلامکردن بۆ خزمەتگوزارییەکانیان و خۆشەویستکردنی نەشتەرگەرییەکە.
د. شلێر فایەق، پسپۆڕ و راوێژکاری نەخۆشییەکانی خانمان و منداڵبوون ئەوەی بە رووداو گوتووە کە ئەگەر منداڵی یەکەم بە نەشتەرگەریی لەدایکببێت، ئەوا هەلی منداڵبوون بە سرووشتی بۆ دووەم منداڵ 50٪ کەمدەبێتەوە و بۆ منداڵی سێیەمیش دەبێت 100٪ بە نەشتەرگەری ببێت و هیچ هەلێک نامێنێتەوە بۆ منداڵبوون بە سرووشتی.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ