WHO پشکنینێكی نوێی خێرا بۆ دەستنیشانکردنی نەخۆشیی سیل پەسنددەکات

 

پشکنینەکە بە ناوی Xpert® MTB/RIF Ultra لە رێگەی جینەوە دەستنیشانی نەخۆشیی سیل دەکات و لە ماوەی چەند کاژێرێک ئەنجامەکان دەردەچن.

 

د. یوکیکۆ ناکاتانی، یاریدەدەری بەڕێوەبەری دەستڕاگەیشتن بە دەرمان لە WHO دەڵێت: ئەم پشکنینە نوێیە هەلی ئەنجامدانی پشکنینی پێشوەختە زیاددەکات، بۆ ئەوەی نەخۆشییەکە لە قۆناخی سەرەتا دەستنیشانبکرێت و زوو کەسانی تووشبوو بکەونە ژێر چارەسەرەوە.

 

بەپێی رێکخراوەکە، نەخۆشیی سیل یەکێکە لە نەخۆشییە کوشندەکانی وڵاتە داهاتمامناوەندەکان و هەژارنشینەکان، بەجۆرێک ساڵانە زیاتر لە ملیۆنێک کەس بەهۆیەوە گیانلەدەستدەدەن، نەخۆشییەکەش بەهۆی بەکتریاکانەوە دروست دەبێت کە بە شێوەیەکی سەرەکی هێرش دەکەنە سەر سییەکان و لەڕێگەی هەواوە لە کەسانی تووشبووەوە دەگوازرێتەوە.

 

بەگوێرەی ناوەندی کۆنتڕۆڵ و پێشگیری لە نەخۆشییەکان CDC لە ئەمریکا، لە ساڵی 2022 دا دوو لەسەر سێی تووشبووانی نوێ لە هەشت وڵاتدا دەستنیشانکراون کە بریتین لە 'هیندستان، ئەندەنوسیا، چین، فلیپین، پاکستان، نەیجیریا، بەنگلادیش و کۆماری دیموکراتی کۆنگۆ.