بەڕێوەبەری نەخۆشخانەی شەهید رەئووف بەگ: هەموو تووشبووانی ژەهراویبوون چارەسەرکراون

 

ئەمڕۆ پێنجشەممە 7-11-2024 د. سارا عومەر، بەڕێوەبەری نەخۆشخانەی شەهید رەئووف بەگ لە شارەزوور تایبەت بە رووداوی راگەیاند، لە دوێنێوە زیاتر لە هەزار و 300 کەس بەهۆی ژەهراویبوون هاتوونەتە نەخۆشخانەکەیان و بەشێکی زۆریان تەنیا بە وەرگرتنی ژیناو و رێنوێنیکردن رەوانەی ماڵەوە کراونەتەوە.

 

د. سارا عومەر دەڵێت: ''ئەمڕۆ هەموو لایەنە بەرپرسەکانی شارەزوور و سلێمانی کۆبوونەوە و پشکنین بۆ ئاوی خواردنەوەی ئەو گەڕەکانە کرا کە دانیشتووانەکانیان ژەهراویبووبوون''.

 

دەشڵێت، هاونیشتمانییانی ئەو گەڕەکانەی ژەهراویبوون پێویستە لەم ماوەیە پشت بە ئاوی بتڵ و کانزایی ببەستن و هەمیشەش دەستیان بشۆن.

 

 

1- خواردنی ئاوی پاکژکراو بە کلۆر، کوڵاو یان ئاوی کانزایی

2- شووشتنی بەردەوامی دەستەکان

3- نەخواردنی خۆراکی سەرشەقامەکان و خواردنێک کە سەرچاوەکەی دیار نەبێت

4- باش کوڵاندنی گۆشت و شووشتنەوەی سەوزە و میوە بە خوێیاو

 

 

- هەستکردن بە تینویێتی و وشکبوونی دەم و لێو

- هەستکردن بە شەکەتی و داهێزران

- هەستکردن بە سەرسووڕان، بەتایبەت لەکاتی هەستانەوە

- تۆخبوونی رەنگی میز

 

 

1- خواردنەوەی شلەمەنی و ئاوی زۆر

2- نەخواردنی خواردنەوە گازییەکان، چا و قاوە

3- وەرگرتنی پشوو

4- خواردنەوەی گیراوەی ژیناو ORS لە دوای هەموو سکچوونێک پەرداخێکی لێبخورێتەوە

ئەگەر گیراوەکە بەردەست نەبوو دەتوانیت بەم شێوەیە خۆت دروستی بکەیت؛

 

- شەش کەوچکی چا شەکر

- نیو کەوچکی چا خوێ

- یەک لیتر ئاو