رووداو - تەندروستی
توێژینەوەیەکی زانکۆی ماتۆ لە بەڕازیل دەریدەخات، دەشێت بە بەکارهێنانی رووناکی، نیشانەکانی خەمۆکی بەگشتی و خەمۆکی وەرزیی بەتایبەتی کەمبکرێنەوە.
توێژینەوەکە ئاماژە بەوەدەکات، تووشبووانی خەمۆکی لە شوێنی تاریک بەراورد بە شوێنە رووناکەکان نیشانەکانیان تووندتر دەبن و رووناکی یارمەتیدەردەبێت لە کەمکردنەوە خەمۆکی بە زیادکردنی کارکردنی هزریی و باشترکردنی دەرووندروستیی مرۆڤ.
ئارتور مێنگێز، توێژەری توێژینەوەکە دەڵێت، ''رووناکی رێگەیەکی هەرزانتر و ئاسانترە لە زۆرێک لە دەرمانەکان یان دانیشتنەکانی چارەسەری دەروونی''.
بەگوێرەی مایۆکلینیک، خەمۆکی وەرزیی SAD جۆرێکی خەمۆکییە و نیشانەکانی لە هەندێک کەس دەردەکەوێت کە بە نزیکبوونەوەی وەرزی زستان، کورتبوونی رۆژ و زوو تاریکبوون تووشیی خەمباری و گوشار دەبن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ