پسپۆڕێکی مێشک و دەمار: دەشێت ئازارشکێنەکان خۆیان هۆکار بن بۆ سەرئێشە

 

د. فرانک ئێربوگت، پسپۆڕی نەخۆشییەکانی مێشک و دەمار دەڵێت: دەتواندرێت بە خۆشۆردن بە ئاوی سارد یاخود دانانی پەڕۆیەکی سارد لەسەر شوێنی سەرئێشە، ئازاری سەر چاکببێتەوە و ئازارەکە نەمێنێت و پێویست بە بەکارهێنانی هیچ دەرمانێک نەکات.

 

ئەو پسپۆڕە گوتی، دەتواندرێت ئازارشکێنەکان لەکاتی ئازاری تووندی سەرئێشە بەکاربێن، بەڵام نابێت لە مانگێکدا زیاتر لە 15 جار بخورێن، ''چونکە کاریگەریی مەترسیدار دەخەنە سەر جەستە و رەنگە سەرئێشەکە تووندتر بکەن''.

لەم بارەیەوە بابەتێکی دیکە لەسەر سەرئێشە ببینە.

 

لە بەشێکی قسەکانیدا ئەوە رووندەکاتەوە، لەکاتی بوونی سەرئێشەی بەردەوام و تووند پێویستە سەردانی پزیشکی پسپۆڕ بکرێت، تاوەکو کاریگەرییە لاوەکییەکانی نەبنە مەترسیی بۆ سەر ژیانی کەسەکە.

 

 

- ئاوخواردنەوەی پێویستی رۆژانە

- کەمکردنەوەی گوشاری دەروونی

- یۆگا

- وەرزشەکانی کشانی ماسوولکەکان

- خەوی پێویست

- کەم بەکارهێنانی شاشەکان

 

دەرزیی ئاژنین یەکێکە لەو تەکنیکانەی کە بۆ کەمکردنەوەی ئازار بەکاردێت، لەم بەرنامەیەی دکتۆر ئاراس باسی دەکرێت.