رووداو - تەندروستی
ناوەندی کۆنتڕۆڵ و پێشگیریکردن لە نەخۆشییەکان لە ئەفریقا بە هاوبەشی لەگەڵ رێکخراوی تەندروستیی جیهانی راگەیێندراوێکیان لەبارەی رووبەڕووبوونەوەی 'ئاوڵەی مەیموون' راگەیاند و داوای زوو دابەشکردنی ڤاکسینی دژ بە نەخۆشییەکە دەکەن.
لە راگەیێنراوەکە دا هاتووە کە هاوکارییەکان بۆ ئەفریقا لەم مانگەوە تاوەکو شوباتی 2025 بەردەوام دەبن و بودجەی تەرخانکراو 600 ملیۆن دۆلارە.
راگەیاندنی ئەم پلانە دوای ئەوە دێت کە لە نێوەڕاستی تەممووز WHO دۆخی نائاسایی بۆ بڵاوبوونەوەی نەخۆشیی mpox کە ناسراوە بە 'ئاوڵەی مەیموون راگەیاند' و تائێستا نزیکەی 23 هەزار تووشبوو و 622 حاڵەتی گیانلەدەستدان بە نەخۆشییەکە تۆمارکراون.
تەنانەت لە کۆماری دیمۆکراتی کۆنگۆ زیاتر لە 18 هەزار تووشبوو و 629 حاڵەتی گیانلەدەستدان بە نەخۆشیی ئاوڵەی مەیموون تۆمارکراون.
ماتشیدیسۆ مۆیتی، بەڕێوەبەری ناوچەیی رێکخراوی تەندروستیی جیهانی دەڵێت: ''دابەشکردن و دابینکردنی ڤاکسینەکانمان بەپێی وڵاتە مەترسیدارەکان بۆ بڵاوبوونەوەی ئاوڵەی مەیموون رێکخستووە و سەرەتا لە کۆنگۆ و دراوسێکانییەوە دەستپێدەکەین''.
ماتشیدیسۆ مۆیتی دەشڵێت: کۆماری دیمۆکراتی کۆنگۆ 91٪ـی کۆی ژمارەی تووشبووانی ئاوڵەی مەیموون لەمساڵدا پێکدەهێنێت.
بۆ خوێندنەوە و ئاگاداربوون لە سەرجەم هەواڵە نوێ و پاشهاتەکانی پەیوەندیدار بە ئاوڵەی مەیموون، کلیک لێرە بکە.
ئەمەی خوارەوە راپۆرتێکە لەباری گەیشتنی یەکەم کاروانی ڤاکسینەکان بۆ نەیجیریا کە یەکەم وڵات بوو ڤاکسینی دژ بە ئاوڵەی مەیموونی پێدرا.
ئەمەی خوارەوە راپۆرتێکە لەباری گەیشتنی یەکەم کاروانی ڤاکسینەکان بۆ نەیجیریا کە یەکەم وڵات بوو ڤاکسینی دژ بە ئاوڵەی مەیموونی پێدرا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ