رووداو - تەندروستی
توێژینەوەیەکی زانکۆی کۆلۆمبیا لە ئەمریکا دەریدەخات، ئەو تووشبووانەی نەخۆشیی شەکرە کە کەمجوڵەن و وەرزش ناکەن مەترسیی مردنی لەناکاویان بەڕێژەی 73٪ بەرزدەبێتەوە.
توێژینەوەکە ئاماژە بەوەدەکات، تووشبووانی شەکرە دەبێت هەفتانە لانیکەم 150 خولەک وەرزشی مامناوەند بۆ بەهێز ئەنجامبدەن و زۆر دانیشتن ئەگەری گیانلەدەستدان لە تووشبووانی شەکرە زیاددەکات.
دکتۆر ساندرا ئەلبرێخت، سەرپەرشتیاری توێژینەوەکە دەڵێت، ''دانیشتن بۆ ماوەیەکی زۆر گرفتی رۆیشتنی خوێن بۆ بەشی خوارەوەی لەش دروستدەکات و دەبێتە هۆی روودانی خوێنمەین، ئەم خوێنمەینەش دەبێتە هۆی جەڵتەی دڵ و جەڵتەی مێشک''.
بە گوێرەی کۆمەڵەی شەکرە لە ئەمریکا 'کەمکردنەوەی گوشاری دەروونی، وەرزشکردن، کێشرێكی، رێکخستنی کاتی خەو و دوورکەوتنەوە لە جگەرە، نێرگەلە و کحول' تووشبوون بە شەکرە کەمدەکەنەوە.
بەگوێرەی رێکخراوی تەندروستیی جیهانی، کەسێکی پێگەیشتوو لە هەفتەیەکدا، پێویستی بە 150 بۆ 300 خولەک وەرزشی مامناوەند بۆ وەرزشی چڕ هەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ