رووداو – تەندروستی
لە نیوزلاند کەسێک بەهۆی بەکارهێنانی دەرمانێك تووشی نەخۆشییەكی دەگمەن دەبێت و جەستەی کاردانەوەیەکی سەیر دروستدەکات و راستەوخۆ دەگوازرێتەوە نەخۆشخانە.
رۆژنامەی نیوزلاند ستەف رایدەگەیێنێت، خانمێکی تەمەن 23 ساڵی نیوزلاندی دوای بەکارهێنانی دەرمانی خەمۆکی، جەستەی کاردانەوەیەکی سەیر دروستدەکات و راستەوخۆ دەگوازرێتەوە نەخۆشخانە.
رۆژنامەی نیوزلاند ستەف دەریدەخات، خانمەکە ناوی شارلۆت گلیمۆرە و بەهۆی کاردانەوە و هەستیاری بەم دەرمانەوە تووشی نەخۆشیی ستیڤن جۆنسن سیندرۆم بووە.
پزیشکان پێیان وایە جەستەی گیلمۆر کاردانەوەی تووندی دروستکردووە و ئەم حاڵەتە تەنیا یەک لە ملیۆنێک کەس لە جیهاندا تووشی دەبێت، هۆکارەکەشی بۆ کاریگەرییەکی لاوەکیی دەرمانەکە دەگەڕێننەوە.
بەپێی مایۆکلینیک، ستیڤن جۆنسن سیندرۆم، نەخۆشییەکی دەگمەنە و بە نیشانەکانی هاوشێوەی ئەنفلۆنزا دەستپێدەکات دواتر پەڵەی پێست دروستدەبێت و بڵاودەبێتەوە، ئەمە لە 10٪ـی نەخۆشەکاندا کووشندە دەبێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ