کانیولای نەخۆشێک - دکتۆر سەفین عەبدولڕەحمان.
رووداو - تەندروستی
پزیشکێکی نەخۆشییەکانی مێشک و دەمار لە نەخۆشخانەی شار دەریدەخات، قەڵەوی و خواردنەوەی کحول هۆکارە باوەکانی جەڵتەی مێشکن و بەشێکی زۆری هۆکارەکانیش دەکرێت پێشگیریان لێبکرێت.
ئەمڕۆ چوارشەممە 6-11-2024 دکتۆر سەفین عەبدولڕەحمان، پزیشکی پایەبڵندی نەخۆشییەکانی مێشک و دەمار لە سەنتەری جەڵتەی مێشک لە نەخۆشخانەی شار بە رووداوی راگەیاند، لە ساڵی رابردووەوە تاوەکو ئێستا نزیکەی 300 نەخۆشیان هەبووە و بە ستانداردە جیهانییەکان لە سەنتەرەکە چارەسەریان بۆ کردوون.
دکتۆر سەفین عەبدولڕەحمان دەڵێت: یەکەی چارەسەرکردنی جەڵتەی مێشک رۆڵێکی گرنگی هەیە لە گەڕانەوەی ژیان بۆ تووشبووانی جەڵتەکە بەوەی کە چاکبوونەوە خێراتر دەکات و تووشبووانیش پێداویستییەکانیان ئاسانتر دەستدەکەوێت.
ئاماژە بەوەشدەکات، سەنتەرەکە لە نەخۆشخانەی شار پێشکەوتووە و 24 کاژێر خزمەت بە نەخۆش دەکات.
ئەو پزیشکە پایەبڵندە هۆکارەکانی جەڵتەی مێشک لەنێو کەیسەکانیان باسدەکات کە ئەمانەن؛
- قەڵەوی
- خواردنەوەی کحول
- بەرزبوونەوەی پەستان، چەوری و شەکری خوێن
- بەکارهێنانی هەندێک جۆری دەرمانی هەڵە
- زۆردانیشتن
- کێشانی جگەرە و نێرگەلە
- بەساڵداچوون
- رەگەز
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ