هەڵەیەک روویدا! دووبارە هەوڵبدە
رووداو - تەندروستی
بەشی جەڵتەی مێشک لە سلێمانی ''بۆ یەکەمجار'' خەڵاتێکی جیهانی وەردەگرێت و لە بەغدا رێوڕەسمی بۆ دەکرێت.
بڕیاروایە لە رۆژی هەیینی 8-11-2024 لە رێوڕەسمێکدا لە بەغدا خەڵاتێکی جیهانیی بدرێت بە بەشی جەڵتەی مێشک لە نەخۆشخانەی شار لە سلێمانی، د. زانا عەبدولڕەحمان، پسپۆڕی نەخۆشییەکانی مێشک و دەمار و سەرۆکی بەشەکە لە نەخۆشخانەی شار دەڵێت: خەڵاتەکە لەپای ئەوەیە کە وەکو یەکەم بەش لە ئاستی عێراق و هەرێمی کوردستان خزمەت بەوانە دەکەین کە جەڵتەی مێشک لێی داون.
د. زانا عەبدولڕەحمان بە رووداوی راگەیاند، لە بەغدا خەڵاتەکە وەردەگرن و لەلایەن رێکخراوی جیهانیی جەڵتەی مێشک پێیان دەدرێت، ئەمەش وەکو پاڵپشتییەکە بۆ ئەو شوێنانەی کە چارەسەر و مامەڵەکردن لەگەڵ تووشبووانی جەڵتەی مێشک تیایاندا لاوازە.
د. زانا ئاماژە بەوەشدەکات، ''شانازییەکی گەورەیە بۆ هەرێمی کوردستان، چونکە دەستپێشخەری سەرەکی بووین لە دانانی سەنتەرەکە و یەکەمجارە بەشێکی ئاوا بۆ تووشبووانی جەڵتەی مێشک هەبێت''.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ