لە هەولێر هەڵمەتێک بۆ هۆشیاری و خزمەتکردنی منداڵانی تووشبووی ئیفلیجی راگەیێندرا

 

ئەمڕۆ یەکشەممە 6-10-2024 د. مەهدی خالید، سەرۆکی بەشی چارەسەری سرووشتی لە زانکۆی پۆلیتەکنیکیی هەولێر و لەنێو هەڵمەتەکە بە رووداوی راگەیاند، یەكێک لە رێگەکانی پێشگیری لە کەوتن بۆ بەساڵاچووان، بەهێزکردنی ماسوولکەکانیانە بە چارەسەری سرووشتی.

 

د. مەهدی خالید، سەرۆکی بەشی چارەسەری سرووشتی لە زانکۆکە ئاشکرای دەکات، بەساڵاچووانی سەروو 65 ساڵان توانای جەستەییان کەمە و پێویستە بە چارەسەری سرووشتی جەستەیان بەهێزبکەن.

ئەو پسپۆڕە گوتی، چارەسەری سرووشتی لە باشترکردنەوەی دۆخی تووشبووانی ئیفلجی پێشەنگە.

ئەوەش باسدەکات کە راهێنان و بەهێزکردنی جەستەی بەساڵاچووان پێویستی بە کات هەیە و بەردەوامیی زۆری دەوێت.

 

ئەحمەد گەردی، خاوەندی سەنتەرێکی شیاندنەوەی منداڵانی خاوەن پێداویستی تایبەتە و بەشدارە لە هەڵمەتەکە، ئەو دەڵێت: مەرج نییە ئیفلیجیی مێشک دواین قۆناخی ژیان بێت و دەکرێت چاکبوونەوە لە نەخۆشییەکە رووبدات.