خۆپێشاندانی دەرچووە پزیشکییەکان لە بەردەم وەزارەتی تەندروستیی عێراق. وێنە: رووداو
رووداو - تەندروستی
لە بەغدا دەرچووانی بەشە پزیشکییەکان نزیکەی زیاتر لە 10 جارە خۆپێشاندان دەکەن و 'داوای دامەزراندنی هەموویان' دەکەن.
ئەمڕۆ یەکشەممە 6ـی تشرینی یەکەمی 2024 دەرچووانی بەشە پزیشکی و تەندروستییەکان لەبەردەم وەزارەتی تەندروستیی عێراق گردبوونەوە و یەکێکیان دەڵێت، ''دەمانەوێت هەموومان بەبێ جیاوازی دابمەزرێین، چونکە ئەوە مافی سەرەکیمانە''.
یەکێکی دیکەش لەنێو خۆپێشاندەران بە رووداوی گوت، ''دەرچووی هەموو بەشێکمان تێدایە و داوادەکەین کە بە یاسا هەمووان دابمەزرێین کە ئەویش یاسای ژمارە شەشی ساڵی 2000ـە''.
دەرچوویەکی شیکاری نەخۆشییەکان دەڵێت: ''ئەمە 15 جارە خۆپێشاندان دەکەین، بەڵام هیچ ئەنجامێکی نەبووە و دەستبەرداری مافەکانمان نابین''.
57 هەزار و 464 دەرچووى بەشە پزیشکییەکان هەن کە تاوەکو ئێستا دانەمەزراون، لەو ژمارەیە ناوى 28 هەزار یان بەرزکراوەتەوە بۆ ئەوەى دابمەزرێندرێن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ