ڤاکسینی HIV تووشکەری ئەیدز لە قۆناخی یەکەمدا ئەنجامی دڵخۆشکەری هەبووە
رووداو- دیجیتاڵ
رێکخراوی IAVI و Scripps بڵاویان کردووەتەوە ڤاکسینی دژی ڤایرۆسی HIV تووشکەری ئەیدز لە قۆناخی یەکەمی تاقیکردنەوەدا سەرکەوتوو بووە.
بەگوێرەی ئەو راگەیێندراوەی رێکخراوەکان بڵاویان کردووەتەوە ڤاکسینەکە توانیویەتی هانی سیستەمی بەرگری جەستە بدات و دژەتەن دژی ڤایرۆسی HIVی تووشکەری ئەیدز دروستبکات.
د. ویلیام شچیف، پرۆفیسۆری بەرگریزانی لە سەنتەری توێژینەوەی سکریپس دەڵێت، ئێمە دەمانەوێت هانی خانەکانی B بدەین بۆ ئەوەی دژەتەنی bNAbs دروست بکەن و دژی ڤایرۆسەکە بجەنگن.
لە قۆناخی یەکەمدا ڤاکسینی HIV لەسەر 48 خۆبەخش تاقیکراوەتەوە و، لە زۆربەی خۆبەخشەکان کە ڤاکسینەکەیان پێدراوە سیستەمی بەرگری جەستە کاردانەوەی هەبووە و دژەتەنی دروست کردووە.
ڤایرۆسی HIV تووشکەری ئەیدز ساڵانە تووشی 38 ملیۆن کەس دەبێت، بەگوتەی پزیشکان یەکێکە لە ڤایرۆسە سەرسەختەکان کە دروستکردنی ڤاکسین بۆی زەحمەتە.