هەڵەیەک روویدا! دووبارە هەوڵبدە
مەهدی فەرەج - وێنەی نێو نەخۆشخانەیەکی چین. وێنە: رووداو
رووداو - تەندروستی
لە چەندین میدیای نێوخۆیی و دەرەکیی چین هەواڵی بڵاوبوونەوەی پەتایەکی تووند بڵاوبووتەوە، بەتایبەت میدیاکانی هیندستان بە پەتای نوێی هاوشێوەی کۆڤید-19ـی دادەنێن، بەرپرسی ئۆفیسی رووداو لە چین رایدەگەیێنێت، خۆپاراستنی تەندروستیی وڵاتەکە بە پەتایەکی ئاسایی دادەنێت و هیچ ڤایرۆسێکی نوێش پەیدا نەبووە.
ئەمڕۆ دووشەممە 6-1-2025 مەهدی فەرەج، بەرپرسی ئۆفیسی رووداو لە چین لە بەرنامەی نووڕۆدا ئاشکرای دەکات، ئەو ڤایرۆسەی کە ئێستا تووشبوویەکی زۆری لێ تۆمارکراوە، ناوی HMPVـیە و زیاتر تووشی منداڵ و بەساڵاچووان دەبێت.
بەگوتەی حکومەتی چین، ئەم وەرزە بڵاوبوونەوەی پەتاکان بەربڵاوە و لەگەڵ زیادبوونی سەرما پەتاش زیاتر بڵاودەبێتەوە.
بەپێی زانیارییەکانی مەهدی فەرەج، ئەوانەی تووشی ڤایرۆسی HMPV دەبن، لەماوەی هەفتەیەک چاکدەبنەوە و لە چین دۆخی لەناکاو رانەگەیێنراوە، چونکە وەکو پەتایەکی ئاسایی مامەڵەی لەگەڵدا دەکەن.
وەزارەتی تەندروستیی هیندستان گوماندەکات ڤایرۆسەکە لە چینەوە گەیشتبێتە هیندستان و رایدەگەیێنێت، هیندستان چاودێریی چڕی بارودۆخەکە دەکات و وەزارەتەکە داواشی لە رێکخراوی تەندروستیی جیهانی WHO، کردووە کە لێکۆڵینەوەی ورد لەسەر بارودۆخەکە بکات. {لێرەوە راپۆرتەکە ببینە}.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ