هەڵەیەک روویدا! دووبارە هەوڵبدە
د. عەبدولموتەڵیب رەفعەت، مامۆستای زانکۆ و پسپۆڕی ژینگە - دیمەنی ئەمڕۆی بەرگەهەوای شاری هەولێر.
رووداو - تەندروستی
پسپۆڕێکی ژینگە هۆکارەکانی ئەو دووکەڵە رەش و خۆڵەمێشییەی لە بەرگەهەوای شارەکانی هەرێمی کوردستان بەتایبەت هەولێر ئاشکرادەکات و دەڵێت، 'زۆریی ئۆتۆمبێل و موەلیدە کارەباییەکان، کارپێکردنیان بە سووتەمەنیی خراپ و بەردەوامیی کارکردنی پاڵاوگەکان بە شێوەی نادروست' هۆکارەکانن.
ئەمڕۆ پێنجشەممە 5-12-2024 د. عەبدولموتەڵیب رەفعەت، مامۆستای زانکۆ و پسپۆڕی ژینگە لە بەرنامەی رۆژی هیوا جەمال رایگەیاند، کوالێتیی خاوێنیی بەرگەهەوای شارەکان بەرەو خراپتر دەچێت.
د. عەبدولموتەڵیب رەفعەت دەڵێت: لەگەڵ زیادبوونی ژمارەی دانیشتووان، ژمارەی ئۆتۆمبێلیش زیادبوون بەوەی کە زیاتر لە دوو ملیۆن ئۆتۆمبێل هەن و تەنانەت زیاتر لە حەوت هەزار موەلیدەی کارەباییش کاردەکەن کە بەشێکی زۆریان سووتەمەنییان خراپە.
بە گوتەی ئەو پسپۆڕە، کوالێتیی سووتەمەنییەکان خراپە و بەمەش گازە ژەهراوییەکان لە ئامێرەکانەوە زیاتر دەردەدرێن بەتایبەت ئەوانەی قەبارەی تەنۆلکەکانیان کەمترە لە 2.5pm و گوتی، ''هۆکارێکی شێرپەنجەیە''.
لە هەولێر رێژەی تەنۆلکە مەترسییدارەکانی هەوا دووهێندەی ئاستی ستانداردی جیهانییە {راپۆرتەکە لێرەوە ببینە}.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ