بەحرەین وەک یەکەم وڵاتی عەرەبی بەکارهێنانی پێکوتەی دژەکۆرۆنا پەسەنددەکات

رووداو- هەولێر

بەحرەین وەک یەکەم وڵاتی عەرەبی بەکارهێنانی فریاگوزاری ڤاکسینی کۆرۆنای کۆمپانیای فایزەر-بیۆنتێک پەسەنددەکات، دەبێتە دووەم وڵات لە جیهاندا لەدوای بەریتانیا پێکوتەکە بەکاردەهێنێت. 

مەریەم ئەلجەلاهمە، سەرۆکی جێبەجێکاری پەیمانگەی نیشتمانی تەندروستی بەحرەین لە نووسراوێكدا رایدەگەیێنێت لەدوای چەندین کۆبوونەوەی چڕ و پێشكەشکردنی بەڵگەنامەکان لەلایەن کۆمپانیاکەوە لەبارەی کوالێتی بەرهەمهێنان و سەلامەتی ڤاکسینی کۆرۆنا، بڕیاریانداوە بۆ بەکارهێنانی فریاگوزاری ڤاکسینی کۆمپانیای فایزەر-بیۆنتێك. 

سەرۆکی جێبەجێکاری پەیمانگەی نیشتمانی تەندروستی بەحرەین دەڵێت گەیشتوونەتە رێککەوتن لەگەڵ کۆمپانیای فایزەر بۆ ئەوەی ڤاکسینی دژەکۆرۆنای کۆمپانیاکە بەکاربهێنن، بەمەش بەحرەین دەبێتە دووەم وڵات لە جیهاندا و یەکەم وڵاتی عەرەبی کە ڤاکسینەکە بەکاردەهێنێت. 

بەڕێوەبەری کارە بازرگانییەکانی کۆمپانیای فایزەر کە بەرهەمهێنەری ڤاکسینەکەیە دەڵێت: "جێگەی شانازییانە کە لەگەڵ حکومەتی بەحرەین کاردەکەن و هەموو هەوڵێک دەدەن بۆ ئەوەی سەرکەوتووبن لە جەنگی دژی کۆرۆنا. 

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger