زانکۆی کۆلۆرادۆ: زۆر دانیشتن زیان بە تەندروستیی دڵ دەگەیێنێت
رووداو - تەندروستی
توێژینەوەیەکی زانکۆی کۆلۆرادۆ لە ئەمریکا دەریدەخات، دانیشتن بۆ ماوەیەکی زۆر تەندروستیی دڵ خراپ دەکات.
توێژینەوەکە ئاماژە بەوەدەکات، زۆر دانیشتن و نەجووڵان دەبێتە هۆی کۆبوونەوەی کۆلیستڕۆل و مەترسیی تووشبوون بە نەخۆشییەکانی دڵ زیاددەکات، بەڵام وەرزشیی تووند و کەمتر دانیشتن دەتوانێت ئەگەری تووشبوون بە نەخۆشییەکانی دڵ و خوێنبەرەکان کەمبکاتەوە.
دکتۆر چاندرە رینۆڵدز، سەرپەرشتیاری توێژینەوەکە دەڵێت، ''دەبێت لە کاتی کارکردن زووزووە جووڵە و رۆیشتن هەبێت، هەروەها رۆژانە لانیکەم 30 خولەک وەرزش بکرێت''.
بەپێی رێکخراوی تەندروستیی جیهانی WHO، بۆ پێشگیریکردن لە قەڵەوی و نەخۆشییەکانی پەیوەست بە کەمجوڵەیی دەبێت هەفتانە زیاتر لە 75 خولەک وەرزشی تووند ئەنجامبدرێت.