رووداو - تەندروستی
ئەنجامی راپرسییەکی دێسکی تەندروستیی رووداو دەریدەخات، زۆرینەی ئەوانەی دەیانەوێت لەمساڵدا تەندروستیی خۆیان باشتربکەن و بە تەندروستی بمێننەوە، دەنگیان بە کۆتاییهێنان بە ورگیان داوە.
لە راپرسییەکانی دێسکی تەندروستیی رووداو کە کۆتاییەکانی ساڵی 2024 دانرا و بۆ ماوەی هەفتەیەک بەردەوام بوو، هەزار و 522 کەس بەشداریان تێداکرد و دەرکەوت، 41٪ـی دەنگدەران کە زۆرترین بوون، دەیانەوێت لە ساڵی 2025 کۆتایی بە ورگیان بهێنن.
راپرسییەکە دەڵێت: ''دەتەوێت ساڵی داهاتوو کۆتایی بە کامیان بهێنیت؟'' بژاردەکانیش هەریەک لە 'ورگ، جگەرە و نێرگەلە، کحول، خواردنەوە گازییەکان و بیرکردنەوەی نەرێنی' بوون.
پلەی دووەمی راپرسییەکە کە خەڵکێکی زۆر دەنگی پێدابوو بریتیبوو لە بیرکردنەوەی نەرێنی کە 34٪ـی دەنگدەرانی پێکدەهێنا.
رێگەکانی پێشگیریکردن لە کۆبوونەوەی چەوریی ورگ؛
- کەمکردنەوەی شیرینییەکان و خۆراکە چەورەکان
- دوورکەوتنەوە لە جگەرە، نێرگەلە و کحول
- نەخواردنی خۆراکە ئامادەکراو و لەقوتوونراوەکان
- وەرزشی رۆژانە لانیکەم 30 خولەک
- خواردنەوەی چای سەوز
- کەمکردنەوە و دوورکەوتنەوە لە خۆراکە خێراکان
- نەخواردنەوەی خواردنەوە گازی و وزەبەخشەکان
- خواردنی سەوزە و میوەکان
- خواردنی نانی بۆر، برنجی بۆر، دانەوێڵە و پاقلەمەنییەكان
- خەوی رێک
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ