رووداو - تەندروستی
پسپۆڕێکی نەشتەرگەرییەکانی ئێسک و شکان دەریدەخات، باوترین ئەو هۆکارانەی دەبنەهۆی ئازاری پاژنەی پێ، قەڵەوی، بەپێوە وەستان و وەرزشی چڕن.
د. بایەخ ئازاد، پسپۆڕی نەشتەرگەرییەکانی ئێسک و شکان دەڵێت: ئازاری پاژنەی پێ یاخود بە زمانی کۆمەڵگە ''ئێسکی زیادەی بن پێ'' یەکێکە لەو حاڵەتە باوانەی کە رۆژانە لە راوێژکاری و نۆرینگەکان دەیانبینین کە بریتییە لە هەوکردنی بەستەری ژێر پێ، کە تووشی پیاوان و خانمان دەبێتەوە، بەڵام لە خانمان زیاترە.
د. بایەخ ئازاد دەشڵێت: ئەو کەسانەی بۆ ماوەیەکی درێژ ئەو حاڵەتەیان هەیە لەوانەیە تووشی ئێسکی زیادی ژێر پێ ببن، بەهۆی بەردەوامیی هەوکردنی بەستەرەکە و وەرنەگرتنی چارەسەر، بەڵام مەرج نییە ئەو هەوکردنە هۆکاربێت بۆ ئێسکی زیادە.
لەبارەی چارەسەرەکانیشەوە گوتی، 90٪ـی نەخۆشەکان بەمانەوەی خوارەوە چاکدەبنەوە؛
- وەرگرتنی دەرمان
- باشترکردنی شێوازی ژیان و خۆلاوازکردن
- بەکارهێنانی پێڵاوی تایبەتی پزیشکی
- چارەسەری سرووشتی
- نەشتەرگەری {ئەگەر بەوانەی سەرەوە چارەنەبوو}
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ