رووداو - تەندروستی
ئەمڕۆ 3ـی نۆڤێمبەر رۆژی جیهانیی خانمانی ماڵەوەیە و لەم رۆژەدا بەشێکی تەرخانکراوە بە هۆشیارکردنەوەی خانمان لە پاراستنی تەندروستی و دەروونیان، بەهۆیەوە دامەزراوەیەکی ئەمریکی دەڵێت: خانمانی ماڵەوە پێویستە گەشت بکەن و زوو زوو بچنە دەرەوە.
دامەزراوەی تەندروستیی خانمان لە ئەمریکا رایدەگەیێنێت، خانمانی ماڵەوە پێویستە کاتەکانی خەوتن و خەویان رێکبخەن، تاوەکو تەندروستی و دەروونیان بە باشی بمێنێتەوە و بەرگەی گوشاری کارەکانی ماڵەوەیان بگرن.
بەگوێرەی دامەزراوەکە، خواردنی خۆراکی تەندروست یەکێکە لە مەرجە سەرەکییەکان بۆ باشترکردنی تەندروستیی خانمانی ماڵەوە، کە خۆشبەختانە بەشێکی زۆریان کابانن و دەتوانن دوور لە خۆراکە خێراکانی دەرەوە، خۆراکی تەندروست لە ماڵەوە دروستبکەن.
هەروەها هەریەک لە پتەوکردنی پەیوەندیی هاوژینی، ئەنجامدانی چالاکیی جەستەیی و فێربوونی کارامەیی نوێ مەرجەکانی دیکەن کە بۆ خانمانی ماڵەوە پێشنیازدەکرێن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ