هەڵەیەک روویدا! دووبارە هەوڵبدە
رووداو - تەندروستی
توێژینەوەیەکی پەیمانگەی تەندروستیی نیشتمانی NIH ئاشکرای دەکات، 93٪ـی دانیشتووانی ئوسترالیا سەوزە و میوە ناخۆن. ئەمەش وایکردووە کە مەترسی لەسەر کەرتی کشتوکاڵی وڵاتەکە و تەندروستیی تاکەکانی دروستببێت.
جێما ئۆهانلۆن، پسپۆڕی خۆراکە لە ئوسترالیا و نیگەرانە لە دۆخی تاکەکانی وڵاتەکەی و دەڵێت، خوویان داوەتە خۆراکە ناتەندروستەکان.
توێژینەوەیەک ببینە لەبارەی سوودەکانی خواردنی رۆژانەی سەوزە و میوە.
جێما ئۆهانلۆن، پسپۆڕی خۆراک دەڵێت: "زۆرێک لە ئێمە بۆ خۆراکی رۆژانەمان خۆراکی ناتەندروست هەڵدەبژێرین و بەڕاستی خەتای تاکەکان نییە، چونکە بۆ هەر شوێنێک بچین بەرکەوتەی ئەم خۆراکە ناتەندروستانە دەبین".
بەپێی دەزگای کشتوکاڵ و خۆراکی ئوسترالیا، رێژەی خواردنی میوەی تازە 7٪ دابەزیوە، ئەوانەشی کە سەوزە و میوە دەخۆن 6.5٪ـی دانشتووانی وڵاتەکە پێکدەهێنن.
ژمارەیەکی بەرچاو لە خەڵکی ئوسترالی خوویان داوەتە خواردنی خۆراکە ئامادەکراو و خێراکان، پسپۆڕەکەش ئەمە بە مەترسییەکی جیدی دادەنێت و دەڵێت: ''قەڵەوی، نەخۆشییەکانی دڵ، شەکرەی جۆری دوو و زۆرێک لە شێرپەنجەکانیش پەیوەندییان بە خۆراکی خراپەوە هەیە، بۆیە ئەمە بەڕاستی کێشەیەکی جیدییە''.
جووتیارانیش هانی خەڵکی ئوسترالی دەدەن، خۆراکی تەندروستتر بخۆن بۆ ئەوەی سوود تەندروستبن و سوودیش بە جووتیاران بگەیەنن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ