هەڵەیەک روویدا! دووبارە هەوڵبدە
رووداو- دیجیتاڵ
پزیشکانی توێژەر لە کۆنگۆ لە ئەفریقیا توێژینەوەیان لەسەر گروپێکی خەڵکی کردووە کە هەڵگری ڤایرۆسی HIV تووشکەری ئەیدز بوون و لێی چاکبوونەتەوە.
تیمێکی توێژەرانی ئەمریکی بۆیان دەرکەوتووە بەشێک لەوانەی هەڵگری ڤایرۆسی HIV تووشکەری ئەیدز بوون، بەبێ وەرگرتنی هیچ دەرمانێک سیستەمی بەرگری جەستەیان دژەتەنی دروستکردووە و دژەتەنەکان ڤایرۆسەکانیان لەناوبردووە.
پزیشکان ئەمە بە دەستکەوتێکی مەزن ناودەبەن لە بواری رووبەرووبوونەوەی ئەیدز، ئەمەش چونکە ئەوانەی تووشی ڤایرۆسی HIV دەبن، سیستەمی بەرگری جەستەیان ناتوانێت بەسەر ڤایرۆسەکەدا زاڵببێت و سەرەنجام دوای چەندین ساڵ پەرەدەسەنێت بۆ تووشبوون بە ئەیدز و کەسەکە دەبێت دەرمان وەربگرێت و سەرباری ئەوەش نەخۆشییەکە تاوەکو ئێستا چارەسەری بنەبڕکەری نییە.
تیمە پزیشکییەکە دەڵێت، بایەخی ئەم توێژینەوە لەوەدایە کە بتوانین لە داهاتوو پێکوتەیەکی کاریگەر بۆ ڤایرۆسی HIV تووشکەری ئەیدز دروستبکەین.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ