لە رواندا ڤایرۆسێکی دیکەی کووشندە بڵاودەبێتەوە

 

وەزارەتی تەندروستیی ئەو وڵاتە ئاماژە بەوەدەکات، تاوەکو ئێستا 300 هاووڵاتی تووشیی ئەم ڤایرۆسە بوون و لەم ژمارەیەدا نۆ کەس گیانیانلەدەستداوە، تووشبووان کەرەنتینە کراون و رێگە نادرێت هیچ کەس سەردانیان بکات، هەروەها ئەوانەش کە گیانیانلەدەستدەدەن بە کۆمەڵێک رێکاری خۆپارێزی لە لایەن تیمە تەندروستییەکانەوە بەڕێدەکرێن. 

 

بەگوێرەی رێکخراوی تەندروستیی جیهانی WHO، ماربێرگ  لە هەمان خێزانی ڤایرۆسی ئیبۆڵایە و ڤایرۆسێکی کووشندەیە، نیشانەکانی لە ناکاو دەردەکەون کە بریتین لە تای تووند، سەرئێشە، ئازاری جەستە و تووشبوون بە خوێنبەربوون

 

بەپێی رێکخراوەکە، ڤایرۆسەکە لە شەمشەمەکوێرەوە بۆ مرۆڤ دەگوازرێتەوە و لە ڕێگەی بەرکەوتنی راستەوخۆ لەگەڵ شلەی جەستەی کەسانی تووشبوو لەنێو مرۆڤەکاندا بڵاودەبێتەوە.