زانکۆی فیدڕالی ڤایکۆسا: رۆژانە خواردنی گوێز هەوکردن کەمدەکاتەوە

 

توێژینەوەکە ئاماژە بەوەدەکات، گوێز دەوڵەمەندە بە مادەی سیلینیۆم، رۆژانە خواردنی 8 گرام گوێز  هەوکردن کەمدەکاتەوە و تەندروستیی ریخۆڵە باش دەکات بەتایبەت لەو کەسانەی کە کێشیان زیادە یاخود قەڵەون. 

 

ئەلیسا سیمپسن، سەرپەرشتیاری توێژینەوەکە دەڵێت، ''دابەزینی ئاستی سیلینیۆم لە خوێن ئەگەری تووشبوون بە هەوکردن زیاددەکات''. 

 

بەگوێرەی توێژینەوەکە سەرەڕای سوودە تەندروستییەکانی گوێز بەڵام نابێت زێدەڕۆیی لە خواردنی بکرێت، چونکە دەبێتە هۆی ئەگەری روودانی بەرزبوونەوە و ژەهراویبوون بە مادەی سیلینیۆم. 

 

نیشانەکانی ژەهراویبوون بە سیلینیۆم بریتین لە نینۆکی شکاو، هەڵوەرینی قژ، پەڵەی پێست و کێشەکانی ریخۆڵە.