تەندروستیی گەرمیان 'هۆشداری' دەداتە هاونیشتمانییان: دوو حاڵەتی کۆلێرا لە سنوورەکەمان تۆمار کراون

 

 

وەکو تەندروستیی گەرمیان دەڵێت، "حاڵەتەکان یەکێکیان لە قەزای کەلار و ئەوی دیکەیان لە قەزای کفری بووە."

 

هاوکات تەندروستیی گەرمیان داوا لە هاونیشتمانیان دەکات، "رێکارەکانی خۆپارێزی بە باشی جێبەجێ بکەن، لەوانە: راگرتنی پاکوخاوێنیی کەسی، دڵنیابوونەوە لە پاکیی سەرچاوەی ئاو، ئاگاداربوون لە خواردنی سەوزە و میوە و باش شۆردنەوەیان پێش خواردنیان، خۆدوورگرتن لە خواردنی دەرەوە و سەردانەپۆشراو."

 

هەروەها بەڕێوەبەرایەتیی تەندروستیی گەرمیان داواش دەکات، هاونیشتمانیان "لەکاتی بوونی حاڵەتی سکچوونی تووند، سەردانی نەخۆشخانە بکەن."

 

تەندروستیی گەرمیان دەڵێت، تیمەکانیان بەردەوام لە ئەرکدا دەبن و پشکنین بۆ سەرچاوەی ئاو و شوێنکار و خواردنگە و جێگە گومانلێکراوەکان دەکەن، بە مەبەستی دڵنیابوونەوە لە بڵاونەبوونەوەی نەخۆشییەکە.