رووداو - تەندروستی
ئەمڕۆ چوارشەممە تۆڕی میدیایی رووداو بۆ چوارەم ساڵ پڕۆژەی ئەنتیتۆباکۆ بە شێوەیەکی جیاواز دەستپێدەکاتەوە؛ ئۆتۆمبێلێکی گرانبەها دەکرێتە خەڵاتی براوەی پڕۆژەکە.
کلینیکێکیش بۆ پڕۆژەکە دەکرێتەوە کە لەنێو نەخۆشخانەی تایبەتی ''پار''ـە و پزیشکی پسپۆڕی سینگ و هەناسە، پزیشکی گشتی و تیمی پەرستاریی راهێندراو هەن، هەموو ئامێرە پزیشکییە پێویستەکان بۆ پشکنین و چارەسەرە پزیشکییەکان دابینکراون.
هاوکات ئۆتۆمبێلێکی مۆدێل بەرزی جۆری 'تیگۆ 7 پڕۆ'ـی کۆمپانیای چێری سەراب کە نرخی نزیکەی 30 هەزار دۆلارە دەکرێتە خەڵات بۆ براوەی ئەنتیتۆباکۆی ئەمساڵ.
ئەمە فۆڕمی خۆتۆمارکردنە. یاخود دەتوانن پەیوەندی بکەن بە ژمارەکانی 07513233353 یان 07713233353 و ناوی خۆتان لەڕێگەیانەوە تۆماربکەن.
رێکارەکانی دوای خۆتۆمارکردن بزانە
سەرەتا بەشداربوو خۆی تۆماردەکات و پشکنینی سەرەتایی بۆ دەکرێت و چارەسەریش وەردەگرێت، پاشان دوای مانگێک دەبیندرێتەوە، ئینجا پاش سێ مانگ دووبارە دەبیندرێتەوە و پاشانیش دوای سێ مانگ دیکە پشکنینی بۆ دەکرێت، واتە 7 مانگ کەسی بەشداربوو کە وازی لە تووتن هێناوە چاودێریدەکرێت و ئەوانەی لە پشکنینەکان دەردەچن کە وازیان لە تووتن هێناوە، دەخرێنە نێو تیروپشک و لە 1-1-2026 براوەی خەڵاتەکە رادەگەیێندرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ