رووداو دیجیتاڵ
لە دوای پێشاندانی بەشی دووەمی زنجیرە فیلمی ترسناک 'Terrifier' لە سینەماکانی جیهاندا، بەشێک لە بینەران لە کاتی بینینی بەشێک لە دیمەنەکانی ئەم بەرهەمە، بێهۆش بوونە.
'Terrifier 2' لە 6 تشرینی یەکەمی 2022 بـڵاوکرایەوە و بەشێک لە بینەران ڤیدیۆی هاوڕێکانیان بڵاوکردووەتەوە کە لە کاتی بینینی فیلمەکە بێهۆش بوونە.
بینەرانی ئەم بەرهەمە ئاماژەی بۆ ئەوەدەکەن، بەشێک لە دیمەنەکانی فیلمەکە تۆقێنەر و پڕ لە تووندووتیژین.
یەکێک لە بینەرانی فیلمەکە وێنەیەکی هاوڕێیەکی بڵاوکردووەتەوە کە لە دوای بینینی فیلمەکە بێهۆش بووە و دەڵێت "هاوڕێیەکەم لە کاتی بینینی فیلمی 'Terrifier 2' بێهۆش بوو و داوای ئەمبۆلانسیان بۆی کرد".
بەشی دووەمی ئەم بەرهەمە سینەماییە لە دەرهێنانی دێیمن لیۆنە و هەریەک لە دێیڤد هاورد و لۆورن لاڤێرا رۆڵی سەرەکی تێدا دەگێڕن.
چیرۆکی فیلمەکە باس لە گەڕانەوەی خراپەکارە دەمامکدارەکە دەکات و لە تاوانەکانی بەردەوام دەبێت و خوێناویترین رووداوەکانی لە شەوێکی هالۆویندایە.
یەکەم بەشی 'Terrifier' لە 2016 بڵاوکرایەوە و بودجەی بەرهەمهێنانی 35 ملیۆن دۆلاری ئەمریکی بوو.
.jpg)
وێنەی یەکێک لەو بینەرانەی لە دوای بینینی فیلمەکە بێهۆش بووە
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ