تۆم هانکس و هاوژینەکەی تووشی کۆرۆنا بوون

 

تۆم هانکس لە تۆڕی کۆمەڵایەتی ئینستاگرامی خۆی نووسیویەتی خۆی و خێزانەکەی سەردانی ئوسترالیایان کردووە، هەستیان بە ماندوویەتی و هەناسەبڕكێ و ئازارکردووە، کە پشکنینیان بۆ کراوە دەرکەوتووە هەڵگری کۆرۆنان.

 

تۆم هانکس هەر لە ئینستاگرامەکەی دەڵێت بەرپرسانی تەندرووستی رێوشوێنیان هەیە دەبێت پێیەوە پابەند بین، دەشڵێت رێوشوێنەکان خۆ کەرەنتینکردن و  جێبەجێکردنی رێنماییە تەندرووستییەکانە. تۆم هانکس بەردەوام لەسەر تەندرووستی خۆی خەڵکی ئاگاداردەکاتەوەو داوایان لێ دەکات رێکارە تەندروستییەکان بە وردی جێبەجێ بکەن.

 

 تۆم ھانکس،  ئەکتەر و دەرھێنەر و سیناریۆنووسی ئەمریکی لە ساڵی 1956 لە کالیفۆرنیا لە دایکبووە. لە ژیانیدا چەندین خەڵاتی بەنرخی بەدەستھێناوە لەوانە ٢ جار خەڵاتی ئۆسکار و خەڵاتی گۆڵدن گڵۆب و خەڵاتی گیڵت و خەڵاتی پیپڵ چۆیز.