جیمی کێمل، لە رێوڕەسمی دابەشکردنی خەڵاتەکانی ئۆسکار
رووداو دیجیتاڵ
جیمی کێمل، پێشکێشکاری ئەمریکی، بۆ جاری سێیەم وەک پێشکێشکاری رێوڕەسمی دابەشکردنی خەڵاتەکانی ئۆسکار دەستنیشانکرا.
کێمل، لەمبارەیەوە رایگەیاند: هەڵبژاردنی بۆ جاری سێیەم، وەک پێشکێشکاری ئاهەنگی خەڵاتەکانی ئۆسکار، شانازییەکی گەورەیە بۆ ئەو.
95مین رێوڕەسمی خەڵاتەکانی ئۆسکار لە مانگی شوباتی ساڵی داهاتوو بەڕێوە دەچێت و پێشکێشکار رێوڕەسمەکە رۆڵێکی باڵای دەبینێت.
ئەو پێشکێشکارە ئەمەریکییە دوو ساڵ بەسەریەکەوە لە 2017 و 2018 پێشکێشكاری ئەو رووداوە سینەماییە گرنگە بووە.
جیمی کێمل، پێشکێشکاری تەلەڤزیۆنی، بەرهەمهێنەر، نووسەر و ئەکتەری ئەمریکییە، لە 13 تشرینی دووەمی 1967 لە دایکبووە، لە 2012 و 2016 پێشکێشکاری خەڵاتەکانی ئێمی بووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ