گەنجێکی کورد بەشداریی لە کێبڕکێی 'میستەر فینلاند'ـی 2024 کرد

 

ئاماژەی بۆ ئەوەشکرد "هەرچەندە من لە قۆناخی یەکەم کە پێویستی بە دەنگی خەڵکە؛ سەرکەوتنم بەدەستهێنا، بەڵام لە قۆناخی کۆتاییدا، دەنگی تەواوی لیژنەکەم بەدەستنەهێنا، هەوڵدەدەم ئەو کەموکوڕیانەی لە 2024 هەمبوون، لە ساڵی داهاتوو واتە 2025 نەیانهێڵم و سەرکەوتن بەدەستبێنم و ببمە مستەر فینلەندی 2025".

 

هونەر خدر روونیکردەوە، پێشتر وەک مۆدێل مستەر ئیترناشیۆناڵی بەدەستهێناوە، بەڵام دەیەوێ مستەر فیلەندنیش بەدەستبهێنێت و ببێتە نوێنەری فینلاند لە جیهاندا.

 

روونیشیکردەوە، ئەو خوێندنی تەواوکردوە، ئێستا لە بەشی خزمەتگوزاری وزەی کارەبا کاردەکات، بەڵام بوون بە مستەر فینلەند خەونی ئەوە و دەیەوێ بەدەستیبهێنێت.

 

هونەر خەڵکی هەولێرە، چەندین ساڵە لە فینلەند دەژیت و زمانەکانی کوردی، ئینگلیزی و فینلەندی دەزانێت.