رووداو دیجیتاڵ
نرخی تکتی کۆنسێرتەکەی ئەدێل کە بڕیارە لە 14-11-2021 لە لەندەن بەڕێوەبچێت لە بازاڕی رەش تاوەکو 10 هەزار دۆلار بەرزبووەتەوە.
فرۆشتنی سەرجەم تکتەکانی کۆنسێرتی ئەدێل، خانمە هونەرمەندی بەریتانی کاتێکی کەمی خایاند، ئەو ماڵپەڕەشی کە تکتەکانی دەفرۆشت بەهۆی ئەو لێشاوە خەڵکەی کە چوونە سەری بۆ ماوەیەکی کاتی لە کارکەوت.
ئەدێل گۆرانیبێژێکی تەمەن 33 ساڵی بەریتانییە کە لە ساڵی 2017ـەوە کۆنسێرتی نەکردووە و بڕیارە ساڵی داهاتوو لە مانگی تەممووز دوو کۆنسێرت لە لەندەن ساز بکات.
بڕیارە لە کۆنسێرتەکەی ئەم مانگە ئەلبوومێكی نوێی بە ناوی "30" پێشکێش بە هەوادارانی بکات کە لە 19-11-2021 بڵاودەکرێتەوە.
ئەدێل یەکێکە لە بەنێوبانگترین گۆرانیبێژەکانی جیهان کە لە ساڵی 2006ـەوە دەستی بە گۆرانیگوتن کردووە و، یەکەم ئەلبوونی لە ساڵی 2008 بڵاوکردەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ