رووداو-هەولێر
هونەرمەندی بەناوبانگی عێراق و عەرەب، کازم ساهیر لە یەکێک لە کۆنسێرەتەکانی لەسەر خراپی کارەبا و کێشەکانی خەڵکی عێراق، پەیامێکی ئاراسەی بەرپرسە سیاسییەکانی ئەو وڵاتە کرد.
کازم ساهیر لە کۆنسێرتێکدا لە وڵاتی لوبنان گوتی ''من دەزانم ئەم قسانەی من وێنەدەگیرێن و بە بەرپرسان دەگات، هیوادارم ئاگایان لە گەلی عێراق بێت، ئەو گەلە مەزنە کە سەرەڕای نەهامەتییەکان بە ئاکار و داهێنەرە، هەمیشە خۆشی بۆ سەرجەم گەلانی دیکە دەخوازن''.
ئەمڕۆ حەیدەر عەبادی، سەرۆکوەزیرانی عێراق بڕیاری هەڵپەساردنی سەرجەم دەسەڵاتەکانی وەزیری کارەبای دەرکرد و لەدوای بڕیارەکەی، قاسم فەهداوی، وەزیری کارەبا رایگەیاند ''پێشوازی لە بڕیارەکە دەکەم و هیوادارم بەرپرسانی وەزارەت بەباشترین شێوە مامەڵە لەگەڵ ئەو کەسەدا بکەن کە لە دوای من دەستبەکاردەبێت''.
نزیکەی مانگێکە لەزۆربەی شارەکانی عێراق خۆپیشاندان دەستیپێکردووەو خەڵکی داوای دابینکردنی خزمەتگوزارییەکانی ئاو و کارەبا و رەخساندنی هەلی کار لە حکومەت دەکەن، سەرەڕای ئەوەی حکومەتی عێراق کۆمەڵێک بڕیاری دەرکردووە، بەڵام خۆپیشاندانەکان لە چەند شارێكی عێراق بەردەوامن.
پێداچوونەوە؛ عومەر شایان
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ