رووداو- هەولێر
تەها قادر، گۆرانیبێژی گەنج دوای دوو ساڵ دابڕان لەکاری هونەری جارێکی دیکە بە ڤیدیۆکلیپێکی نوێ دەگەڕێتەوە نێو بواری هونەری.تەها قادر، لەمبارییەوە بەرووداوی راگەیاند " پاش ئەوەی لەبەر چەند هۆکارێكی تایبەتی و خوێندن لە کاری هونەری دوورکەتمەوە، جارێکی دیکە بە گۆرانیەکی نوێ گەڕامەوە نێو بواری گۆرانیگوتن".
دەربارەی ناوەڕۆکی گۆرانییەکە تەها دەڵێت " ئەم گۆرانییە بەناوی چۆن دڵت هاتە، لە ئاوازی ئاژوان سوارەیەو دابەشکردنی میوزیکیش لەلایەن ئاریۆس و ئەفشین شوکرییەوە جێبەجێکراوە، کاری دەرهێنانی ڤیدیۆکلیپەکەش لەلایەن هادی باڵەک و رەهێل شۆڕشەوە کراوە، کە ڤیدیۆکلیپەکەش لە هەولێرو دەڤەری باڵەکایەتی وێنەگیراوە".
بڕیارە ئەم ڤیدیۆکلیپە لە هەفتەی داهاتوو بەشێوەیەکی فەرمی بڵاوبکرێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ