رۆبێرت دی نیرۆ هێرش دەکاتە سەر ترەمپ: دەیەوێت ئەمریکا تێکبدات

 

دی نیرۆ، ئاماژە بۆ ئەوەش دەکات، ئەو ترسی هەیە ئەوەی لە فیلمی "Megalopolis" روویدا، بە راستی رووبدات. گوتیشی، دەبێت شکست بە کۆمارییەکان بهێندرێت، نابێت کەسانی وەک ترەمپ فەرمانڕەوایی بەدەستبێنن، بۆیە پێویستە هەمووان بچن دەنگ بدەن.

 

فیلمی "Megalopolis" باس لە ئەندازیارێکی نموونەیی دەکات، هەوڵی بونیاتنانی شارێک دەدات، بەڵام لەلایەن سەرۆکی شارەوانیی شارەکە دژایەتی پڕۆژەکەی دەکرێت. فیلمەکە مژاری دیکەی سیاسی، رگەزپەرستی، ئەندازیاریی بیناسای و فەلسەفە لەخۆدەگرێت.

 

ئەمە یەکەمجار نییە دی نیرۆ هێرش بکاتە سەر ترەمپ، پێشتریش ترەمپ کە بەربژێری کۆمارییەکان بووە بۆ هەڵبژاردنی سەرۆکایەتی ئەمریکا، لە دوای وەرگرتنی پۆستی سەرۆکایەتی ئەمریکاش، بەردەوام هێرشی کردووەتە سەری و رەخنەی ئاڕاستە کردووە.

 

رۆبێرت دی نیرۆ بە رەچەڵەک ئیتاڵییە و براوەی دوو خەڵاتی ئۆسکارە، یەکەمیان وەک ئەکتەری لاوەکی لە بەشی دووەمی فیلمی "The Godfather"، دووەمیان وەک ئەکتەری سەرەکی لە فیلمی "Raging Bull".