ئەیوب عەلی لە کۆنسێرتێکی فلامینگۆی ئیسپانی بەشدار دەبێت

 

هونەرمەند ئەیوب عەلی، بە رووداوی راگەیاند، له خه‌باتی هونه‌ریی خۆی بەردەوامە و به‌ ده‌نگ و هه‌ست و به‌وپه‌ڕی توانای هونه‌ریی خۆیەوە له‌ كۆنسێرتێكی دیكه‌ی ئاستبه‌رزی میوزیكی فلامێنكۆدا  بەشداربووە.

 

ئاماژەی بۆ ئەوەشکرد، لە کۆنسێرتەکەدا بەرهەمێکی پێشکێشکرد کە ئاوازێكی  دێرینی  ئیسپانیایە و به‌ناوی شاری كۆردۆباوه‌ دانراوه‌. گوتیشی: "ئەم بەرهەمە بۆ ئامێری پیانۆ دانراوە، من هۆنراوه‌یه‌كی ساده‌م بۆ به‌ زمانی كوردی بۆ نووسی كه‌ ستایشی شاری كۆردۆبا ده‌كات و كۆتایی به‌رهه‌مه‌كه‌ ئاوێزانی سۆز و هه‌ست و چریكه‌یه‌كی گه‌رمیانی كوردستان ده‌كه‌م". 

 

ئەیوب عەلی کە یەکێک لە هونەرمەندە دیارەکانی کوردە و هەوادارای زۆری هەیە، روونیشیکردەوە: "به‌ شانازییه‌‌وه‌ ده‌نگ و ره‌نگ و زمان و كو‌لتووری خۆم به‌ جیهان ده‌ناسێنم و ده‌ڵێم كوردم، بێگومان ئه‌م هه‌نگاوانه ‌به‌ ئه‌ركی سه‌رشانی خۆم ده‌زانم". 

 

هەروەها گوتی، بەرهەمەکەی لە کۆنسێرتەکەدا بووە جێگه‌ی سه‌رنج و خۆشحاڵی هونه‌رمه‌ندان و ئاماده‌بووانی کۆنسێرتەکە.

 

کۆنسێرتەکە لە 22ـی شوباتی 2024 بە بەشداری ژمارەیەک ژەنیاری فلامینگۆ و سەمکارێکی ژن بەڕێوەچوو.