لە جەژنی قوربان فیلمی 'تەمی بابا' لە سینەماکانی کوردستان پێشاندەدرێت

 

وەک ئاماەکارییەک بۆ بڵاوکردنەوەی ئەم بەرهەمە سینەماییە، بەرهەمهێنەرانی، یەکەم ترەیلەری فیلمەکەیان لەرێگەی تۆڕی میدیایی رووداو بڵاوکردەوە کە چەند دیمەنێکی سەرنجڕاکێشی نێو چیرۆک و رووداوەکانی فیلمەکە بەرچاو دەکەون.

 

لە 'تەمی بابا' شەماڵی عەبەرەش، هەڵوێست محەممەد، هەردی سەلامی، شوان کەریم، هەژان هێرش، کاڵێ ئازاد و کاردۆ عەزیز رۆڵ دەگێڕن.

 

ئەم بەرهەمە لە سینەما ئێمپایەر لە هەولێر، لە سیتی سینەما لە سلێمانی، لە سینەما دهۆک مۆڵ لە دهۆک و لە تایم سەنتەر مۆڵ لە کەرکووک پێشاندەدرێت. هەروەها لە سینەماکانی بەغداد پێشاندەدرێت و بەرهەمهێنەرانی لە گفتوگۆدان بۆ بڵاوکردنەوەی لە چەند وڵاتێک.

 

فیلمەکە لە ژانری تاوان، نهێنی ئامێز و دراماییە، دیمەنەکانی لە شوێنی سەخت، سەرنجڕاکێش و کەم بینراودا وێنەگیراوە.

 

فیلمەکە بەرهەمی کۆمپانیای میترۆنۆم پڕۆدەکشنە و باهۆز نەسڕەدین، بەرهەمهێنەریەتی کە پێشتر بەرهەمهێنەری فیلمی سینەمایی 'پەیکەری دڵ' بووە.

 

ماوەی فیلمەکە 105 خولەکە و لە تونی بابا، بیارە و ئەشکەوتی جاسنە وێنەگیراوە و بەم زووانە یەکەم ترەیلەری لەرێگەی تۆڕی میدیایی رووداو بڵاودەکرێتەوە.