جۆن لێجند لە کۆنگرەی دیموکراتەکان یادی پرێنسی کردەوە

 

ئەو هونەرمەندە گۆرانیی "Let's Go Crazy"ـی پرێنسی پێشکێشکرد و پیانۆی ژەنی و کاردانەوەی زۆری لە نێو ئامادەبووانی کۆنگرەکەدا هەبوو.

 

شیلای ئی، ژەنیاری ئامێری درامز کە پێشتر لەگەڵ پرێنس کاری کردووە، ئەمجارە وەک ژەنیارێک لەگەڵ لێجند لەسەر شانۆ دەرکەوت و گۆرانی پێشکێشکرد.

 

کۆنگرەی نیشتمانیی دیموکراتەکان رۆژی دووشەممە بە کاتی واشنتن، واتە سێشەممە بە کاتی هەولێر 19ـی ئابی 2024، لە شاری شیکاگۆی ویلایەتی ئیلینۆی دەستیپێکرد و بڕیارە ئەمڕۆ پێنجشەممە 22ـی ئاب کۆتایی بێت. 

 

جۆن لێجند، ناوبانگییەکی زۆری لە جیهاندا هەیە، براوەی خەڵاتی ئۆسکارە بۆ باشترین گۆرانیی رەسەن، هەروەها براوەی خەڵاتی گۆڵدن گڵۆب و گرامییە کە لە خەڵاتە هەرە بەناوبانگەکانی هونەرین لە جیهاندا.